Thursday, April 5, 2012

Iziduko zamaMpondomise

UMBUZO:

Hi.

I recently found out that I'm a Xhosa and belong to the Mpondomise clan. My surname is Matimba (Mathimba)

I've been searching the net trying to find atleast some history of how we came into being kanye nesiduko sakithi Please help...

Kind Regards

IMPENDULO:

Bhota Mlesi,

Andizukwazi ukuphendula nkcakasana, ngoba isizwe samaMpondomise sibanzi kakhulu.
Nazi iziduko zawo:

OoNgxabane
OoNgcitshana
OoJola
OoNxotha
AmaQadi
OoGcanga
OoDosini
AmaNgwevu
AmaMpinga
OoQhinebe
AmaMpehle
OoMhaga
OoMabhengu
OoMnjuza
OoBhukwana
OoZongozi
OoNdobe
OoFola
OoNxasana
OoNqana
OoDedeza
OoKrancolo

Uyanaba ke kwisiduko eso uhlobene naso.

101 comments:

  1. ukhokho wam yayi ngu mphayinti okanye u mhaga, ndicela ukwazi banzi ngemvelaphi yesisiduko. igama lam ndingu sandile norton e Serkspruit

    ReplyDelete
  2. Ndiyabulisa torhwana,

    NdinguMamQadi isurname yam nguMoyakhe, intloni endinazo andikwazi ukuzithutha.

    Qadikazi lendlu enkulu, Nggciwa, Dosini, Mpondomise....ndiphelele apha kwayeandiqinisekanga nokuba ndiright....

    Ndicela uncedo....

    ReplyDelete
  3. UGcwina wayenabafazi ababini uMamqwathi kunye no Mthwakazi apha kuMthwakazi uzele u Cira kodwa hayi lo wamaXhosa umkhuluwa ka Tshawe. eligama lika Cira livele ngenxa yokuba umama wakhe wayemane athi xa emdlalisa athi Ci.. Ci.. ra kungaziwa ukuba uthini. UCira wafumana ubukhulu ngenxa yokuba uDosini ka MaMqwathi wayemana ukuziqaba ngodaka abethwe ngamakhwenkwe waze ke uYise wathi akafanelanga ukuba yinkulu abaninawe bakaDosini bala ukutsiba uDosini waze ke yena uCira wamtsiba ubukhulu bamaMpondomise bawela kuye. uzele u Sabe umfana owayemhle kakhulu waza yena wazala uMte inkulu kunye no Mhaga owayefana noyise lonto yenze into yokuba xauyise ephuma kubizwe uMhaga ahambe naye kuyiyizelwe ngabafazi belali.

    UMte uzele uQengebe kunye no Ngxabane, uQengebe uzele uMajola owathi xa unina emzala kwathi gqi inyoka babaleka abafazi kwaza amadoda ayisusa lonyoka akayibulala yayimana ibonakala ke lonyoka xa uMajola engaphilanga abuye aphile ngetseni. UMajola yena uzele uNgwanya yena wazala u Phahlo owatshata nomaMxesibe akafumana makhwenkwe apho wafumana amantombazana amathathu. Ngamagqabantshitshi ke lawo ndisatshaya

    ReplyDelete
  4. Mna ndingumntana wakwaNtuli, uTshezi. ndingavuya xa ndinga fumana umntu ongandinceda ndikwazi ukuzithutha. Otata babevela eMnyameni

    ReplyDelete
  5. Mna isiduko sam nguGadluma ifani Cekiso ndicela uncedo ndifuna ukwazi apho sisuka khona ngoba kukho abathi singamaMfengu kambe abanye bathi sibuya emaMpondomiseni kanyekanye ithini lento.

    ReplyDelete
    Replies
    1. AmaGadluma(e) angamaGcina.

      AmaGadluma akuNdlunkulu kwesi sizwe samaGcineni.

      Xa ethuthwa kuthiwa "Mgadluma, Xhamela, Nkomo zikaNokwindla, Ncancashe, Gabul'ikhula, Malab'edlile (Umalamb' ayendle adle inyama yenyamakazi-igusha athi ziziduli zethafa),uTyhopho, ubutsolo bentonga!

      Izindlu zamagcina:

      AmaGadluma, AmaChe, AmaNtsinga, AmaNjikazi,AmaSeya, AmaHelushe, AmaBhinca, AmaNtlonipohi(o)....

      Ndithemba ukuba uncedakele.

      Enkosi
      Ndim uSandile Latha (NdinguMCHE emaGcineni)

      Delete
  6. MNA NDINGUZAMATOLO NDINGUMCHENGE MABHANEKAZI NDICELUBUZA EZINYE ZITHINI?

    ReplyDelete
    Replies
    1. Dlangamandla, Zulu, Mchenge, Mfingo, Mhlathi unukulambo, amaBhanekazi, ooNgonyama, ooMvumba lempongo liyanuka.

      Delete
    2. ungu Tolo, uZulu UDlangamandla, uMchenge, uMfingo, uBhanekazi,uNgwenyankomo uVumba leMpongo liyanuka linuka imbombela,uLwandl' aluwelwa luwelwa ziinkonjane zona zodwa zinamaphiko made .... uMabele-made!

      Delete
  7. ndicela nindichazele banzi Ngoonziphazi! ngamaMpondomise lawo kodwa andiwazi umnombo wawo

    ReplyDelete
  8. Bhotani ntozobawo, mna andikwazi tu ukuzithutha, ndazi nje uba ndinguMAJOLA impondomise. Ndisakhula ndandiye ndive umakhulu ebiza NXOTHO, ndive noNGWANYA noQENGEBA noMPHANKOMO Khanindincede idibana phi, njani lihlazo eli (very worried)

    ReplyDelete
    Replies
    1. Bhota mwethu! Mna ndingazama ukukuphendula ngokuyitsala kude le nto ndenjenje:

      UNgcwina ke ngoyena uyinkunzi ozele phantse zonke izizwe zamaMpondomise. UNgcwina lo uzalwa noDombo noDebeza. (amaZumbe namaQadi ngamaNgcwina) Lo Ngcwina uzele uBhukhwana kumfazi wokuqala. Kwathiwa makazeke umfazi oza kuzala ikumkani, wazeka emaQwathini, kwazalwa uDosini. Kwindlu yesithathu (ekunene) kwazalwa UNXOTHWE. Kwelandelayo kwazalwa uNgcitshane; kwelandelayo kwazalwa uNgcinase. UNgcinase uzala amaQadi.

      UDosini uzelwe kunye noNgqukatha. UNgqukatha uzala uGcaga noNqana, kubaninawa bakaDosini. Kwaza kwafunyanwa umThwakazi kumahlathi amakhulu aseLothana. UNgcwina wamenza umfazi wakhe wesixhenxe umThwakazi lowo.
      ...
      UCirha uzele uMte, ozele uSabe, ozele uQENGEBE noNgxabane. Waza uQengebe wazala uMAJOLA. UMaJola uzele uNGWANYA. UNgwanya uzele uPhahlo, ozele uMamani (inkosazana) noSontlo (iqadi/inci), ozele uMngcambe, ozele uMyeki, ozele uMatiwane, ozele uMhlontlo, ozele uTshalisi (Charles), ozele uSigidi noWelishi (Welsh).


      Izibongo zooJola (Makuliwe, 2003:119-120):

      Jola, Jol’ inkomo, Ngwanya, Sabe, Mphankomo, Mpondomise, Mthwakazi, Qengebe, Cirha, Somarhwarhwa, Sihlobo senunu, Rhamba liyathwethwa, Zwelibanzi, Sizukulwana soMthwakazi, ... Dada ngesabhokhwe kumaKhumsha, Hashe elingavumi kubhosolwa, Ndlebe zolu didi ngamaholoholo; nezulu liyangqina lithi: “Jol’ inkomo ndiyeke!”

      Delete
  9. amabangula azithutha njani

    ReplyDelete
  10. mholweni

    ndicela umntu onolwazi ngesiduko NTLANE NQABANE ...uba sithuthwa njani nemvelapi yabo

    ReplyDelete
    Replies
    1. ntlane ntlantlathintlala ntlanga zonke zomhlaba nqabane dinga ntingili skhikhi yezalabantwana sihila schitha yethani zitshobo mbumbulu mbokotwana thambo lenyoka lihlabelimzondayo

      Delete
  11. Bhota mz'ontsundu

    ndicelwa ukuthuthelwa isiduko sooSithathu, ooChisane. Ndiyabulela.

    ReplyDelete
    Replies
    1. Chisana Ndebe Khopoyi Hasa Tsomoyi Lawu Nkomozbomvu Sthathu......

      Delete
  12. AmaTolo akwaNongwadla

    Tolo
    Dlangamandla
    Ngwenyankomo
    Nongwadla
    Zulu khaya labakholwayo
    Mchenge
    Bhanekazi
    Mfingo
    Masali
    Amajubantlantsi
    Vumba lempongo liyanuka
    Nozinja Ziyakhonkotha kuba zithi:
    Hawu! Hawu! Hawu!
    Xa zibon’ umnt’ ozayo,
    Nozinja ziyaqhingana
    kanti zenz’ umntwana,
    Mpomfana noThukela,
    Mlamb’awuwelwa
    uwelwa ziinkonjane kuphela
    zona zimaphiko made,
    Nkomo zikaGaxaza, Oonkuni
    azothiwa kuba zithezwe yinkosazana,
    Bona babasa
    amadaka eenkomo zabo,
    Izinto ezifuye inkomo
    zafuya negusha nehashe.


    AmaTolo akwaNgonyama

    Tolo,
    Ngonyama,
    Dlangamandla
    Zulu
    Mchenge
    Bhanekazi
    Khaya lengwe,
    Nanst’ ingwe ndiyibambile
    yizani madoda
    siyinquml’ intamo,
    Mpomfana noThukela
    Mlamb’awuwelwa
    uwelwa ziinkonjane kuphela
    Vumba lempongo liyanuka
    Oonkuni azothiwa kuba
    Zithezwe yinkosazana
    Bona babasa amadaka
    eenkomo zabo
    Izinto ezifuye iinkomo
    Iigusha de zafuya nehashe

    ReplyDelete
  13. My name is Luthando Booi, live in Cape Town but my father is from the Eastern Cape, eLady Frere eJojweni. I'm am from the the amaphondomise clan.
    NdingumQama, uJola, umphankomo, uQengeba, iThole lo Mtwakhazi, uXhoto, unGwanya, uRhebela... And that is how I intruduce myself.

    ReplyDelete
    Replies
    1. Molo Luthando

      I just want to assist you in pronouncing some of the iziduko you mentioned. uXhoto is uNxothwe, unGwanya > uNgwanya, uRhebela > uRhibela. It is amaMpondomise.

      Delete
    2. umQama > umQam

      Delete
  14. My name is Kholiwe Ntloko ndingu Mhaga ingxaki andikwazi ukuzithutha ndicela uncedo

    ReplyDelete
  15. Igama lam nguWandisile Hogqoyi.Ndingumngwevu,ndicela nindigqibezelele.

    ReplyDelete
  16. AMAMPEHLE KUTHIWA NGO CABASHE, NONGCETHE NDICELA ANDINCEDE AGQITHE OWAZIYO

    ReplyDelete
  17. Mna ndinguBavuyile Norubela. Ndilimpondomise! Imvelaphi yam ikuQumbu nakuTsolo noko kemna ndizalelwe kwaBhaca eMt freya. Ndingu Nxotwe,

    Gqagqa,
    KaGqikazi,
    Skhom,
    Phungani, Ntongana yentsimbi, Nozibay'ezikhulu, uMadidiya, uQamkazi, uMasulelwa ngento engayenzanga itsho imfanele.

    ReplyDelete
  18. Anonymous: AbakwaMntaka bangamampondo: ngicela ungixelele imvelaphi yabo nezitakazelo.

    ReplyDelete
  19. Ifani yam ngu Yako, ndicela undincede ngeziduko,,,ndazi ezimbalwa.

    Enkosi

    ReplyDelete
    Replies
    1. Kaloku Caramel ukuze ukwazi ukuncedwa ngeziduko zakho kufuneka ube naso esi usibizayo. EsiXhoseni asizalani ngeefani. Ifani ligama nje. Eyona nto ibalulekileyo sisiduku. Kufuneka sibekho esi usixelayo ze uncediswe ekuzithutheni ke.

      Delete
    2. Amanqarhwane, Osduli ndifuna ukwazi imvela phi yabo? Nokuzithutha ukubheka phambili.

      Delete
  20. molweni bethuna mna ndinuNasiphi ndinguMamsukwini ndisekapa. ndinemibuzo emibini. bendicela imbhali yamasukwini. n bendicela umntu okwaziyo uthutha amaNqabashe andenzele lonceba asseblief torho

    ReplyDelete
  21. Ntlane; Ntlanga; Dingi; Nqabane; Sukude

    ReplyDelete
  22. NDICELA UTHUTHELWA AMAMFENE

    ReplyDelete
    Replies
    1. amaMfene ngoo Hlathi, Lisa, Jambase, Canzi, Hla'ngomva eliweni, Msuthu, Malahlane, Mangqila

      Delete
  23. molweni bethuna ndicela ukwazi isiduko samangwevu o tshangisa

    ReplyDelete
  24. Ndingu Sonwabo Mathumbu eCofimvaba, eQamata,isduko sam ndingu Tshangisa uSkhomo, uZulu, umhlaba,Umbambani, uSnukwa. Ndiphelele apho. Kodwa andinguye uRhudulu.

    ReplyDelete
    Replies
    1. uRhudulu uzala uSikhomo yena uzala uSinuka yena uzala uTshangisa noNxuba ngokwalekelana ngoku uthi awungo Rhudulu njani ngapha koko igama umngwevu sisicabelo elona gama lesiduko ngu Rhudulu

      Delete
  25. Amandlane,oonoMdimba,Tutuse,Ntlokwanibanzana itini into yabo bavelapi....Sinazo Bida eQunu

    ReplyDelete
  26. Umzima,uceduma,ubhomoyi khanincede ke bantu nigqibezele kwezi ziduko zam xa ndifuna ukuzithutha ndigqibe

    ReplyDelete
  27. HI ,NDICELA ZONKE IDUKO ZAKWA NGITSHANA OZAZIYO UMNTU

    ReplyDelete
    Replies
    1. Ngcitshane, nkwenkwezana, mev'amhlophe, schongoma, abaphakuli beenyosi ezi phantsi kub'eziphezulu ziyabasinekela, istheb'esimanagananga sokophulela installation yethokazi....

      Delete
  28. Mna ndingu abongile, bendicela izithakazelo zama ngxabane. Ndiya nicela sizwe sika phalo khani ncedeni.

    ReplyDelete
    Replies
    1. Bhota Abongile,

      NguNgxabane, uMdatshi, uRhibela, uNcokazi, uMeyiwa, uBhodi, uBhabhanomhlehlo, uTyotshana, uSibalankwenkwezi – abany’ abantu bebal’ iinkomo nje, amathol’ omThwakazi, ooNtam’ inemida njengenkunzi, amaMpondomis’ omthonyama nozwane, iziziba zeTsitsa zingenwa ngugqoloma weTsitsa neChulunca kuphela, ooMbambo ezakheke njengezentaka, ooBhenc’ akanantongo, ooSidulana eselubhelu sethafa, ooNonto yenja yinkongolo, beyidla beyithufela!

      Delete
  29. Mna ndingu lutho Ngoloyi.ndingu dzana mncwabd tseketsd nzinzi bendicela uncedo ndiqibezelelwe

    ReplyDelete
    Replies
    1. Mfuphi, ngxabalala, mayeye, katsin, mncwabe
      Ndisaphelele apha mfuphi!

      Delete
  30. Ndiyabulisa; amantlane la ngo dinga or dingi? Ndicela ucaciselwa apho ntozakuthi

    ReplyDelete
  31. Mna Ndingu Sintu Maxongo. Ndingu Mtakwenda u Leta isduko, ndicela umntu okwaziyo andithutha torhwana ndiphelele apha andikwazi ukugqitha. Enkosi.

    ReplyDelete
  32. Umna ndingu Chuma uMamQadi wakwa Merhele(Miggels)ndikwa nguye nomamZotsho kwaNtshiza ndicela ukwazi ukuba ndingazi thutha njani

    ReplyDelete
  33. Bahlekazi abahle.
    Ndicela ukucaciselwa ngo Gqunu. Ingaba uGqunu sisiduko okanye ngubanina?

    ReplyDelete
  34. Ndingu Mpandla uTshayingwe uMbona ukhona onolwazi ngeso siduko nentsusa yaso?

    ReplyDelete
  35. NdinguMavuka isinqe sise Hewu emthwakazi. Kodwa andikwazi uzuthutha ndiyayazi ukuba ndiMamntambo, unthethe , uxhentse baleka kodwa ndiphelele apho. Ndincediseni ndiyacela.

    ReplyDelete
  36. Mna isiduko sam ngu Mhaga surname kodwa ankdikwazi ukuzithutha ndicela uncedo

    ReplyDelete
  37. Molwen...mna ndnguMabase,Msuthu frm Idutywa.Ndiphelelwe ukuzithutha,ndingavuyiswa xa ninondithutha

    ReplyDelete
  38. Molweni bethuna ndingu LUYANDA MEHLO Nqana umdanda nakisa nomakhungelo ngqwala ka ngqokazi isicanba esihle intshintshikazi yokundlalela abatwana impondomise kumhlaba wakutsolo imvelaphi ndiphelele apho

    ReplyDelete
  39. BASUKAPHI OONQANA BEZALWA NGUBANI ?

    ReplyDelete
  40. ndicela ukhe uthuthe OoNjiyela, JoboQunusa Njalo njalo. Ziziduko zam ezi kodwa zimbalwa endizaziyo

    ReplyDelete
  41. Molweni ngokulingalayo igama lam nguSindile.Bendicela ukwazi banzi ngoNgcitshane?

    ReplyDelete
    Replies
    1. Khan gels I group ku Facebook "Amangcitshane amiable"

      Delete
  42. molweni ndingu abongile untuli,nojila,sababa,zixesha xabendlwini,mphemba,nonguza,thelela,nkomo zimnyama nenkunzi yazo ndibawela ukuva abanye abaneziduko ezingontuli bazibiza njani na

    ReplyDelete
  43. mna ndingu nosisa manyase etsomo emission ndingu majola kodwa asingabo o dosini no mnqadi ndicela ukubuza ndingazithutha njan mna

    ReplyDelete
  44. ingcwaba likaMatimba liseQonce, contact me!!! I'll tell you more ngeMbali yakwa Matimba.....

    ReplyDelete
  45. Ndicela ukwazi ukuba isiduko esi sikaFola sisuka phi, kwaye bathini ukuzithutha abantu baso.

    ReplyDelete
  46. Iinkosi mazithambe, isicaka sizolile!! Mna ndikhula ndisazi ukuba singabaseMaMpingeni kwindlu kaPhahla. Inkulu ke lendlu kaPhahla kulomhlaba waseMthatha, Libode ukuyoqhina eNgcobo. Kukho impikiswano kuba izithatkazelo ezidumileyo apha kwesisiduko ngumawawa, bholokoqoshe (abayaziyo imbali bathi eneneni nguMbhala kaNqoshe) uSenzwa, umbhutsha. Ndicelwa ukukhanyiselwa banzi ngoPhahla apha eMaMpingeni ngoba notat' omkhulu wam wayeyinqonqozisa lendawo kaPhahla.

    ReplyDelete
  47. Mna ndingu Nosipho Mbenga, u Jola, Ngwanya, Mphankomo, Qengeba Thole lomthwakazi ndicela ukwandiselwa. Apho ndiphuma kho ku Qumbu (Shawbury ne Mahlungulu)

    ReplyDelete
  48. bhotani mawethu
    isiduko ngumntlane ndiphuma kuGatyane
    bendicela inkcazelo ebanzi ngamantlane

    ReplyDelete
    Replies
    1. Mna ndingu MAKASI DINISO ndingu NTLANE isiduko sam , ndili Mpondo kwaye ndingowase CORANA e LIBODE . umnombo waMantlane usuka eLusikisiki azalwa ngumfo owayesuka e KENYA owayebizwa ngokuba ngu Njanya , unyana wakhe omkhulu ngu Dlemini yena ke wazala uSibiside yena ozele uMpondo lo isizwe sibizwe ngaye , yena ke kwindlu enkulu uzele u Hlambangobende ; yilendlu ke iphetheyo ya Manyawuza , kwakhona u Mpondo uzele unyana ogama lingu Sihula kwiqadi lendlu enkulu yilendlu ya Mantlane ke leyo . Sichaza ngo Sihula yena Uzele u Mthwa-ka-Sihula othe ke yena wazala u Santsabe yena ke wazala u Mkhondwana ozele yena u Sukude nothe yena wazala u NTLANE endlini enkulu ngu GINGQI ekunene ngu KHWALO eqadini ngu NGCWANGULA exhibeni . uNtlane yena wayenabafazi abathandathu sithatha indlu enkulu apho uzele u Ndendela yena wazala Mfusana waza yena wazala u Dinga othe ke yena wazala u Nqabane . Mantlane zininzi ke izinto endingazithethanga ngezinye izindlu nabantwana bazo ndithethe ngezindlu ezinnkulu kuphela ezinye siyakuthetha ngazo xa sisentlanganisweni ya Mantlane , ndiyacela ke nam ndilungiswe apho ndiphazame khona , Imfonomfono yam ithi 0780806950 ,Enkosi .

      Delete
    2. Thanks a lot Man. This is Sukude, Valela, Mkhondwana, Gcutha,

      Delete
  49. NdinguMpehle, uCabashe, Dikana, Nkom' bomvu, Wayibeka, ndiphuma kumnombo kaQhusheka. Ndicela ukwazi ngomnombo/ imvelaphi yawo.

    ReplyDelete
  50. Molweni Mawethu ndinguSiyanda ndicela nindincedise ngemvelaphi yamamphandla

    ReplyDelete
  51. Molwen ndingu Thandeka Gxalatana ndicela ukuchazelwa banzi ngesiduko sam,uKhanyayo ndikuhlaba waseXhorha kodwa otata omkhulu bathi babesuka eBizana,ndifuna ukwazi ukuzithutha noba sihlangana phi no Nyawuza no Mzize.

    ReplyDelete
  52. Molweni mawethu,ndicela ukuncedwa apha bethuna,Ndingu Nosi wakwa Gqalane umzukulwana wamaNdlane,bendicela ukubuza amandlane azithutha aphelelle phi,ngoba mna ndazi kuthwa singonomdimba,oontlokwana ibanazana,oo tutuse,kwaye futhi imvelaphi yamandlane andiyichani kakujle,khanincedeni bantubakowethu. Iyabulela ilali.

    ReplyDelete
  53. Ndingu madzana wase mneno nciba - emonti. Ndicela ukuncediswa ngembali yokuwela inciba kodzana besuka emount frere.

    ReplyDelete
  54. Molweni kwaXhosa. Mna ndi nguVusumzi ndizalwa kwaDumane phofu ke sihlala kwelizwe la besuthu efree state. Mna ndakhulwa kusithwa singamaMpondomise, oNgcwina, oMphankomo, oMajola indixake k' xasekusithwa uDosini. Idibana njani kuba oMajola ingathi bazalwa ku eli cala lika Cirha ozalwa ngumThwaa....Ndicela incaselo kulonto, mandibulele

    ReplyDelete
  55. Uyazibulisela uMamvulane, uBhayi, uKhetshe, uMsuthukazi, inyok'emnyama ecand'iziziba. Ndicela kosaziyo esisiduko andixelele ndingathini udlula xa ndizithutha ngoba zimbalwa ezi. Izolo ndive uba kuye kuthiwe "meva elimhlophe" ngoku ndaye ndanomdla okoba zithini na zinye. Enkosi

    ReplyDelete
  56. molweni mzi ontsundu...ndicela nindi thuthele amantlane la angengo dinga

    ReplyDelete
  57. Molwethi, ndicela ukwazi imvelaphi YamaNzotho/Nzothwa nezinqulo zabo, enkosi kakhulu

    ReplyDelete
  58. Ndingu lwandile from lusikisiki ndcela uncedo ngesiduko ubhala andkwaz kuzitibela bendcela onolwaz andincede kunye nemvelaph yaso ndilimpondo

    ReplyDelete
  59. Mna ndicele isiduko sakwaNgcoya nindincede ngaso

    ReplyDelete
  60. Molweni ekhaya. Ndingu Nkosi Ketabake. Ndifuna ikhaya lakuthi nokwandusela isiduko ndifunde ngezimbalwa. Ubawo liMpondo andiqinisekanga ngqo ngekhaya ubeye okhombe koo Bizana nase Lusikisiki.Ndiyabulela

    ReplyDelete
  61. Igama lam ngu Mncedi Mhlangala ndinengxaki andizazi nokuba ndiqale ngaphi xa ndizithutha ndingu Tshutsha bambi bathi ndinguGadluma uCekwane andiyazi kwa imvelaphi yam. Kanye kanye ngamani aMaTshutsha la?

    ReplyDelete
  62. Igama lam ngu Siphosethu Sikwe/Samente bendicela ukwazi ngesiduko sakwa Mpandla..

    ReplyDelete
  63. mna ndingu Nwabisa Marhadebe isduko ,ndicel ubuza esam isiduko asikho elistin ingaba andililo na impondomise?

    ReplyDelete
    Replies
    1. Hi Nwabisa, ooRhadebe ngamaHlubi sisi, awangomaMpondomise. UliHlubikazi wena.

      Delete
  64. Mpinga,Mawawa, Mbolokoqoshe,iny’ omntwana, ingakhul’ izinza sel ‘ifanele amadoda, oSenzwa, ooMbali, ooMbetshane, Hlahla lamsik’ umntu es*ndeni, ngceza, Sintila, Nyaw’ zinoshukela, mzukulu kaSityulu, kheth ‘omthandayo, Mawawa,

    ReplyDelete
  65. AmaQadi avela xa kundawoni kulendlu yamaMpondomise?

    ReplyDelete
  66. Ndicela ukwazi imvelaphi yesiduko sakwaMathumbu kwisizwe saMampondo.

    ReplyDelete
  67. Ndicela ukucaciselwa ngesiduko amaZumbe, imvelaphi yawo nakuzithutha.

    ReplyDelete
  68. Ndicela ucaciselwa ngoZumbe yena uzalwa ngubani pha kwaNgcwina

    ReplyDelete
  69. Ndicela ubuza ooZongozi xa bethuthwa kuthiwani? Ngamani?

    ReplyDelete
  70. Ndingu NXASANA ndicela ukubuza ukuba uNxasana uphuma kweyiphi indlu yamaMpondomise .enkosi .

    ReplyDelete
  71. Mna NdinguMzukisi Myeki, le fani kaMyeki ngeyase Maqocweni. Umama kamama wondela kulomzi eza nomama. Ukuqala kwam ukudibana notata wayesithi SingoMlungwane ifani ngu Mbatha (hayi 'Mbhatha', M'batha). Ngoku ndizama ukufumana ukuba uMlungwana lo uzalwa ngubani, bakuphi pha e Estern Cape. Ntozobawo ndinabantwana ndinomfazi, mandincedwe ndikwazi ukunceda usapho lwam.

    ReplyDelete
    Replies
    1. PHA KULAMHLABA WAMAMPONDO CEBUKUHLE KWELAMABAHACA KWIDOLOPHU EKUTHIWA YI-MAUNT FRERE OMYEKI BABUTHALENE KUYO KWINDAWO EBIZWA NGOKUBA KUSEMAMPONDMISENI UYAKUBAFUMANA

      Delete
    2. Ndingu Jolinkomo mna kwaye ndixelelwa ukuba abantu basekhaya basuka apho ko Myeki kanye...qha u tatomkhulu waya kuyokhwakha e Mzimkhulu

      Delete
  72. Mandizibulisele mna ndinguMamgwevu,cela ukwazi sesiphi isilo saMangwevu?ukuba sikhona

    ReplyDelete
  73. Camagwini mzi wakwaXhosa.
    Mna ndinguJola iMpondomise laseRhawutini.Ndicela uncedo ngeziduko nemvelaphi yooNdzuta/Nzutha, okuncinci endikaziyo: singoMhaga noSabe uGqweta noGqubushe umawel'ukuzana. uDlobela, uMphankomo, uNgwanya uMajola. Ndiyema apho. enkosi!

    ReplyDelete
  74. Correction- endikwaziyo not endikaziyo

    ReplyDelete
  75. Mholweni nto zakuthi ndingu Nobanzi mambumbu kwelicala loo Dlamini onolwazi makandincede enkosi

    ReplyDelete
  76. Msitheli
    Molweni emaXhoseni
    Ndicela ubuza ngubani uyise kaDosini ?
    ezalelwa phi?
    ingubani ifani yakhe?

    ReplyDelete
  77. Molweni bantu bakuthi, mna ndingu ntshangase unomathebe umsuthu msengeshe umbokodo ezibomvu zokugaya amalovane. Ndingu mbeko igama lam lenkobe ngu Mpetshwa ifani. Ndicela umntu onolwazi khe andizele nesizathu sokungafani kweziduko zamantshangase ase Eastern Cape nawakwa zulu natal. I'm always wondering plz help guyz. Xa usazi kodwa. Enkosi

    ReplyDelete
  78. Bhotani bantakwethu.NdinguLungiselela Lindani (@facebook ndingu DIBASHE LINDANI).Lo ngumnombo wasekhaya ngokwazi kwam koko andibazi abanye abantu abaazalwa ngokwalomnombo.Utatomkhulu ngu Inoki(ENOCH) ubhubhe ngo 1974,yena ngunyana kaNonyondla,uNonyondla ngoka Khasan,uKhasan ngokaYaso,uYaso ngoka Lindani.UNonyondla uzele Gxamfu kunye noPitili kwinkosikazi yakhe yokuqala waza wazala uInoki kweyesibini.SingamaSukwini thina.Ingxaki ke yeyokuba ndazi kuphela abantwana baka Inoki.Akukho ngqiniseko yesinqe sakhe kodwa kuvela abathi sikwezaalali zaseDikeni,ndicela uncedo ngabantakwethu.Sizibiza ngoLindani thina,enkosi

    ReplyDelete
  79. ndicela ukwazi imvelaphi yootshezi bakwaGqibitole

    ReplyDelete